Sæl verið þið öll sömul...

Á þessum öldusömu tímum getur maður ekki annað en aðeins látið í sér heyra varðandi efnahagsástandið og umræðuna í þjóðfélaginu varðandi ESB aðild...

Ég ætla að byrja á efnahagsástandinu.....
Bravó, glæsilegt, topp frammistaða hjá efnahagsstjórninni...  Fjölskyldur í landinu sitja svo í hrikalegri skuldasúpu að þær geta sig hvergi hreyft.  Látbragðið á þjóðinni í efnahagsmálum er búið að vera svo stórkostlega skynsamlegt að þjóðin öll ætti skilið Nóbelsverðlaun takk fyrir.... Hvert mannsbarn á landinu skuldar yfir sjö milljónir króna þegar það fæðist!! Og þá erum við ekki að reikna inn í skuldirnar sem bankarnir eru búnir að koma sér í og láta okkur svo borga það.  Skuldafenið er orðið svo djúpt að það er ekki möguleiki að við náum að borga það á einni mannsævi heldur erum við búin að skuldsetja komandi kynslóðir líka.  Afkomendur okkar munu að öllum líkindum þurfa klára þessi uppgjör okkar við lánadrottna.

Af þessu tilefni vil ég þakka ríkisstjórnum síðustu ára kærlega fyrir þessa yndislegu vöggugjöf handa nýfæddum Íslendingum framtíðarinnar.  Stjórnmálastefna Sjálfstæðisflokksins og Framsóknarflokksins er búin að vera hreint út sagt æðisleg þau 12 ár þessir flokkar voru við stjórn...  Þeir færðu útvöldum einstaklingum allar verðmætustu eignir ríkisins á slikk.  Allir Bankarnir og Símafyrirtækið okkar fóru í hendur manna sem hugsa aðeins um eitt og það er að græða peninga og allt annað má fara fjandans til.  Bankarnir fóru allir bara til útlanda settu upp útibú þar hótuðu meira að segja að flytja alla sína starfsemi burt af landinu ef ekki var allt gert eftir þeirra höfði.
Núna eru þeir komnir aftur heim með skottið á milli lappana eftir að vera búnir að þenja fyrirtækin svo út að þeir eru orðnir margfalt stærri en Ríkissjóður Íslands og engin ræður við neitt og engin gæti hjálpað þeim ef illa færi.  Og illa fór svo sannarlega!!  300.000 einstaklingar, samtök og fyrirtæki í Bretlandi og Hollandi eru búnir tapa spariféinu sínu og orðspor Íslands lagt varanlega í rúst þökk sé þessum mönnum!  Þeim tókst  að koma Íslandi á lista yfir hryðjuvekamenn!!  Áttu maður von á að þeir gætu gert í buxurnar en aldrei á ævinni gæti mann hafa grunað hvernig ætti eftir að fara...  Ofan í allt saman ákveða topparnir í bönkunum að afskrifa bara sínar persónulegu skuldir hjá bankanum.

Hvað á að gera við þessa menn ef ekki að stinga þeim í grjótið!  Stingum þeim öllum í grjótið og leyfum þeim aðeins að hugsa sinn gang í nokkur ár.  Og á náttborðinu í fangelsinu á ekki að vera Biblían, nei takk!  Guð getur ekki hjálpað þessum mönnum.  Þar á liggja ritið „Das Kapital“ eftir Karl Marx og láta þessa menn aðeins endurskoða græðgis-hugsjónir sínar upp á nýtt.
Er ég nú hræddur um Björn Bjarnason Dómsmálaráðherra muni ekki eyða eins háum fjárhæðum í saksókn í þessa menn og hann eyddi í að sanna að Jón Ásgeir Jóhannesson opnaði reikning sem hann gerði ekki grein fyrir.

Mig hryggir því miður að sjá hversju miklir tækifærissinnar Íslendingar eru, á meðan þetta gengur yfir umturnast allir og verða alveg brjálaðir í að ganga í ESB...  Fyrir nánast það eitt að verð á Libby‘s tómatsósu muni lækka í matvöruverslunum!  „Hendum þessum handónýta gjaldmiðli og tökum upp Evru!“ „Göngum í ESB!“ heyrir maður í hvert skipti sem fréttastöðvar taka sjónvarpsviðtal við einhvern út á götu í Reykjavík.  Í mesta frostinu vill fólk pissa í skóinn sinn og álítur það góða framtíðarlausn!

Af hverju ættum við að fara í eitthvað „kapítalisma-bandalag“ með öðrum þjóðum sem við eigum lítið sem enga samleið með?  Tala ekki um miklu fjölmennari í þokkabót.  Ég vill ekki að Ísland verði gleypt af þessu kapítalisma-skrímsli sem er kallað ESB og gefa frá okkur hluta af sjálfstæðinu sem við börðumst fyrir með kjafti og klóm í 200 ár.  Við myndum ekki fá neitt að segja í þessu sambandi, við erum ekki nema brotabrot af fólksfjöldanum í sambandinu.  Hins vegar myndum við fá nóg af útlendingum inn í landið í leiðinni og nóg yrði af útlendu fiskitogurunum sem myndu skrapa upp fiskinn okkar úr sjónum upp í fjöru.  Fiskinn okkar sem við fórum í stríð við breska heimsveldið út af?  Nei dömur mínar og herrar ég er of stoltur Íslendingur til að láta þetta yfir mig ganga.  Ísland er miklu sterkara og áhrifameira fyrir utan Evrópusambandið.  Ég segi NEI við ESB og Evrunni!

Ef við viljum fá aðstoð og fara í bandalag með einhverjum þá ættum við frekar að leita til þeirra sem við eigum samleið með, þá er ég tala um frændur okkar á Norðurlöndunum.  Leitast ætti miklu frekar að því að ganga í lið með Noregi, Svíþjóð, Finnlandi og Danmörku frekar en Serbum og Tyrkjum!  Þessum löndum í Evrópu gæti ekki verið meira sama um Ísland.
Miklu meiri líkur tel ég á því að Ísland hagnaðist meira á því að fara í bandalag með Norrænu þjóðunum og mynda saman með þeim myntbandalag.  Þá losnum við við óstöðugleika íslensku krónunnar og allar Norrænu  þjóðirnar gætu haft einn sterkan gjaldmiðil: KRÓNU

Hvernig væri svo að fara sýna kraft okkar í verki og sýna þeim mönnum sem eru búnir að vera í Ríkisstjórn í samfleytt 17 ár hvernig lýðræði virkar og hætta að kjósa þá!  Er ekki kominn tími á breytingar?  Ég vil sjá vinstri sinnaða stjórn í landinu!  Það gerist ekki með Sjálfstæðisflokkinn við völd, sama hvaða flokkur myndar Ríkisstjórn með honum.  Burt með Sjallana og allt þeirra hyski!

Þriðjudaginn 11. nóvember næstkomandi verður fundur á Mælifelli á Sauðárkróki um efnahagsmál þar sem Steingrímur J. Sigfússon verður ræðumaður og hvet ég alla eindregið til þess að mæta á þann fund.

Palli Heinesen er skuldlaus og hamingjusamur maður og kveður í bili

Og svoldið langt síðan meira að segja...

Svo ég fari yfir þetta í fljótheitum....:

Fór til Mallorca, var þar í 14 daga...  Það var alls ekki það versta sem ég hef gert um ævina   Hins vegar var gert grín að mér þegar ég kom heim að ég var nánast jafn hvítur og þegar ég fór...
Ferðin fór líka að mestu fram inn í Mercedes Benz bifreið, sem við rúntuðum um alla eyjuna á, og skoðuðum alla mögulega staði...
Mjög skemmtilegt ferðalag og verður maður að gera þetta oftar...

Ég kom heim... í fjóra daga og fór aftur til útlanda.... í þetta skiptið til Finnlands.
Með í för voru Ivano Tasin og 10 krakkar úr félagsmiðstöðinni Frið.  Þar hittum við fyrir 30 aðra krakka frá Finnlandi, Póllandi og Lettlandi.  Gist var á gömlu sveitasetri sem heitir Antaverkka rétt hjá Tampere, næststærstu borg Finnlands.  Þarna voru aðstæður framandi og skemmtilegar, hægt var að fara í kajak róður á stöðuvatni rétt hjá og einnig var hægt að fara í sauna.  Saunað var mjög sérstök upplifun og annað en við eigum að venjast hér á Íslandi.  Hitastigið var hátt 100°C og allir kviknaktir inni.  Að sjálfsögðu var kynjaskipt í gufuna, því þarna var líka eina sturtuaðstaðan og hún var áhugaverð...
Vatnið úr stöðuvatninu var ausið í stóran pott og það hitað upp, síðan tók maður ausu og jós vatninu yfir sig...  Voru allir mjög tvístiga í fyrstu um þetta allt saman en þegar leið á og allir prófuðu elskuðu þeir þetta.
Í heildina rosalega skemmtileg ferð og þakka ég öllum ferðafélögum mínum fyrir frtábæra ferð....
Komið var heim 10. júlí og var eftir það unnið í Vinnuskóla Skagafjarðar...

Síðustu helgina í júlí fór ég svo á Borgarfjörð Eystra að heimsækja hana Aldísi mína og fór um leið á Bræðslutónleikanna.  Þar komu fram:
Amy Kuney
Bryndís Jakobsdóttir
Magni Ásgeirsson
Eivör Pálsdóttir
Damien Rice

Frábærir listamenn þarna á ferð og fannst mér tónleikarnir mjög skemmtilegir.  Kannski fyrir utan Damien Rice, hann var við það að svæfa alla... síðustu fjögur lögin hans voru samt nokkuð góð...

Verslunarmannhelgin var tíðindalítil og gerðist ekkert...

Síðan var haldið á Menningarnótt í Reykjavík... Fórum með aðalmanninum honum Árna Gísla á föstudeginum og skutluðum honum á Selfoss þar sem hann gisti.  Við Aldís gistum í Hveragerði hjá Magna bróðir hennar og færum við honum þakkir fyrir það.  Daginn eftir röltum við Aldís um miðbæinn frá kl.14-22.  Þar var fullt af góðum hljómsveitum og listamönnum á ferð og var endað á Tónleikunum á Miklatúni kl. 19.  Þar komu fram:
Fjallabræður
Bloodgroup
Hjaltalín
Jóhann og Magnús
Jet Black Joe
Ný Dönsk

Spes tónleikar verð ég að segja...
Fjallabræður fannst mér allt í lagi, sniðugir... það sem ég heyrði a.m.k.
Bloodgroup... jesús pétur kiljan.... mikið hallæri í gangi í íslensku tónlistarlífi fyrst þessi grúppa kemst á tónleika á Miklatúni... svona back to the 80's grúppa...
Hjaltalín... Tóku fimm lög og ekkert gott, nema lagið sem Páll Óskar söng með þeim...
Jóhann og Magnús... Allt í lagi, miðaldra konur voru áberandi nálægt sviðinu á meðan þeir voru hehe
Jet Black Joe... standa alltaf fyrir sínu langskemmtilegastir þetta kvöld, samt ekkert nýtt frá þeim og lifnaðarhættir þeirra ekki beint til fyrirmyndar
Ný Dönsk byrjaði kl. 22 og þá vorum við búin að fá nóg og fórum og fengum okkur að borða á Stylenum...

Alla vikuna á eftir vorum við Aldís svo í skóla, við erum saman í fjarnámi í Tómstunda og Félagsmálafræði.  Á meðan gistum við hjá frænku Aldísar, henni Einfríði og Christer manninum hennar.  Færum við þeim kærar þakkir fyrir að hýsa okkur

Núna tekur bara vinnan við og námið og reynir maður að skila þessu hvorutveggja sómasamlega af sér...

Ekki má svo gleyma því heldur að í lok ágúst flutti Aldís inn til mín í Grenihlíðina og erum við núna orðin þrjú í kotinu með Á.G. 

Fleira er það ekki í bili,
Þangað til næst...
Palli Heinesen kveður... %)

Sæl veriði...
Orðið langt síðan ég hef komið hingað inn og kannski komin tími til að láta vita af sér aftur...

Þetta er búið að vera sannkallað “busy season“ hjá mér síðan ég bloggaði síðast vinna, vinna og aftur vinna...  Ég er búinn að fara í margar ferðir,  fundi og námskeið í sambandi við vinnuna þá sérstaklega félagsmiðstöðina.
Núna fer hins vegar að hægjast til hjá mér og fer ég að komast í sumarfrí bráðum...  Á miðvikudaginn næsta (11. júní) flýg ég til Mallorca og verð þar alveg til 25. júní...  Það verður sweet, loksins að maður kemst til sólarlanda   Farið verður með fjölskyldunni, og með í ferð verða:  Sirrý, Ásbjörn, Haukur Hlíðar, Hera Sigrún, Fannar Páll og svo kemur gamla settið með í sólina  auk þeirra kemur Haukur bróðir pabba með...
Við munum dveljast á stað sem heitir Port d‘Alcudía og er á austur hluta Mallorca-eyjunnar.  Þann 25. júní munum við svo koma aftur þar sem djöflaeyjan rís...

Ekki er sagan öll þar heldur hef ég aðeins fjóra daga til að jafna mig eftir þetta allt saman, því þá fer ég í næstu ferð.  Hún er á vegum vinnunnar og er ferðinni heitið til Finnlands með 10 krakka frá félagsmiðstöðinni í svokallað Ungmennaskipti, Evrópuverkefni þar sem við hittum 30 krakka frá þremur öðrum löndum; Lettlandi, Póllandi og Finnlandi.  Þar verðum við í rúma 10 daga í finnskri náttúru eins og hún gerist best...  Leggjum við af stað frá Sauðárkróki 29. júní og við komum aftur heim 10. júlí.

Þá tekur við hjá mér Vinnuskóli Skagafjarðar en ég verð verkstjóri þar eins og fyrri ár en í þetta skiptið verð ég á Sauðárkróki, varð ég loks að láta undan miklum þrýstingi um að verða verkstjóri á Króknum og fegra bæinn jafn vel og gert hefur verið á Hofsósi undanfarin ár
Á meðan ég er í útlöndum þá verð ég leystur af í Vinnuskólanum af hinni ótrúlega ómetanlegu, yndislegu þokkadís Aldísi Fjólu Ásgeirsdóttur frá Borgarfirði Eystra, en hún er jafnframt nýja spússan mín

Ég hef meira að segja, en ég held að þetta sé orðið nógu langt hjá mér í bili, annars nennir enginn að lesa þetta allt saman...  Kem kannski með eina færslu enn áður en ég fer út á miðvikudaginn   Og hver veit kannski splæsi ég einni færslu á meðan ég er úti, kemur allt í ljós...

Palli Heinesen kveður í bili %-)

Nú þessa dagana eru Þorrablótin hérna firðinum í fullum gangi... Og að sjálfsögðu læt ég mitt ekki eftir liggja og skelli mér á tvö, það fyrra var á Hofsósi um síðustu helgi og var þar alveg rífandi stuð þó svo að hljómsveitin hafi ekki alveg verið í heimsklassa...
Þarna hitti maður fullt af gömlu Hofsós liði og nýju Hofsós liði og... já that's it really

Næsta Þorrablót verður um næstu helgi og verður þá Hóla Þorrablótið og var Árni Gísli svo elskulegur að bjóða kollegum sínum í vinnunni á blótið og er stefnt á svaka djamm...

Það helsta í öðrum fréttum er að ég er í miklum vandræðum með hnéin á mér...
Þetta byrjaði allt fyrir rúmum tveimur árum, þá var ég að koma heim í jólafrí úr skólanum fyrir sunnan og ákvað að skella mér á eina fótboltaæfingu með kúabændunum í Neista.
Það byrjaði það vel að ég fékk mikinn slynk á hnéið í upphitun og ég fann eitthvað rifna í hnéinu á mér....
Ég var þrjóskur og stappaði í fótinn og sagði við sjálfan mig að þetta hafi ekki verið neitt og skokkaði sársaukann af mér.  Sársaukinn hvarf og ég kláraði æfinguna.  Daginn eftir fór ég að finna fyrir "öðruvísi" óþægindum í hnéinu á mér þannig að ég ákvað að  fara til læknis, tveimur árum seinna....

Ég fór sem sagt til læknis núna í desember og var sendur í segulómskoðun.  Útkoman úr þeirri rannsókn var að ég væri með rifu á tveimur stöðum á aftari liðþófa og rifið krossband!!

Þá var mér hugsað til atvinnuknattspyrnumanna...  Hefur einhver séð þegar knattspyrnumaður rífur krossband eða liðþófa??
Þeir velta sér grenjandi um í jörðinni þangaði til læknir kemur og setur fótinn í spelku og maðurinn er borinn útaf á börum með teppi yfir sér og súrefnisgrímu yfir andlitinu!!

Ég er búinn að vera ágætur í hnéinu undanfarið og er búinn að vera sækja tíma til sjúkraþjálfara til að styrkja vöðvana í kring en í vikunni varð ég fyrir miklu "setbacki".
Ég þurfti ekki nema að misstíga mig aðeins (var reyndar hrint á fólskulegan hátt ) og búmm liðþófinn rifnaði upp á nýtt!!
Takk fyrir, kominn á byrjunarreit... og það sem verra er (kannski) að ég mun sennilega aldrei spila fótbolta aftur

Fleira hef ég ekki að segja í bili...
Palli Heinesen

Já fínt, já sæl...

Það er hreinlega orðið fáránlega langt síðan ég bloggaði síðast þannig að ég ætla að setja eina færslu hérna inn. 
Ég var næstum því búinn að gleyma hvernig ætti að logga sig inn á bloggið

Það er margt búið að gerast síðan síðast ég bloggaði en ég skal fara yfir það helsta:

• Flutti á Eyrarland
• Vann sem flokkstjóri í sumar á Hofsósi (loved it)
• Flutti á Sauðárkrók í haust
• Bý núna í Grenihlíð 28 e.h. (102 m2) nóg pláss
• Réð mig í vinnu hjá Frístundadeild Skagafjarðar
• Réð mig í vinnu hjá Sundlaug Sauðárkróks
• Réð mig í vinnu hjá Íþróttahúsi Sauðárkróks
• Er að vinna í Félagsmiðstöðinni "Frið" á Sauðárkróki og Hofsósi
• Er með gönguhóp eldri borgara

Búið að vera nóg að gera og vona ég að fólk fyrirgefi mér fyrir bloggleysið

En þar sem ég er byrjaður að blogga og þetta er allt að flæða upp úr mér verð ég að deila þessu með ykkur...
Haldið ykkur fast hérna kemur það...

I'm a modern man. A man for the millenium. Digital and smoke free.
A diversified multicultural postmodern deconstructionist, politically, anatomically, and ecologically incorrect.
I've been uplinked and downloaded, I've been inputted and outsourced. I know the upside of downsizing I know the downside of upgrading.
I'm a high tech lo-life. A cutting-edge, state-of-the-art, bi-coastal multitasker and I can give you a gigabyte in a nanosecond.
I'm new wave but I'm old school and my inner child is outward bound. I'm a hotwired, heatseaking, warmhearted cool customer, voice activated and biodegradable. I interface with my database and my database is in cyberspace, so I'm interactive, I'm hyperactive, and from time to time I'm radioactive.
Behind the eight ball, ahead of the curve, riding the wave, dodging the bullet, and pushing the envelope. I'm on point, on task, on message, and off drugs. I got no need for coke and speed. I got no urge to binge and purge.
I'm in the moment, on the edge, over the top, but under the radar. A high concept, low profile, medium range ballistic missionary.
A streetwise smartbomb. A top-gun bottom feeder. I wear power ties; I tell power lies; I take power naps; I take victory laps. I'm a totally ongoing bigfoot, slamdunk rain maker with a pro-active outreach, a raging workaholic, a working rage-a-holic, out of rehab and in denial.

I got a personal trainer, a personal shopper, a personal assistant, and a personal angenda. You can't shut me up, you can't dumb me down, cause I'm tireless and I'm wireless. I'm an alpha-male on beta-blockers.
I'm a non-believer and an overacheiver, laid-back but fashion foward, up front, down home, low rent, high mantinence, supersize, long lasting, high definition, fast acting, oven ready, and built to last.
I'm a hands on, footloose, knee-jerk headcase, prematurely postraumatic, and I have a love child who sends me hate mail. But I'm feeling; I'm caring; I'm healing; I'm sharing; a supportive, bonding, nurturing, primary caregiver.
My output is down, but my income is up. I take a short position on the long bond and my revenue stream has its own cash flow.
I read junk-mail; I eat junk food; I buy junk bonds; I watch trash sports. I'm gender specific, captial intensive, user friendly, and lactose intolerant.
I like rough sex; I like tough love; I use the f-word in my email, and the software on my hard drive is hardcore; no soft porn.

I bought a microwave at a minimall; I bought a minivan at a megastore.
I eat fast food in the slow lane. I'm toll free, bite size, ready to wear, and I come in all sizes; a fully equipped, factory authorized, hospital tested, clinically proven, scientifically formulated medical miracle.
I've been pre-washed, pre-cooked, pre-heated, pre-screened, pre-approved, pre-packaged, post-dated, freeze-dried, double wrapped, vacuum packed, and I have an unlimited broadband capacity.
I'm a rude dude but I'm the real deal, lean and mean, cocked, locked, and ready to rock; rough, tough, and hard to bluff.
I take it slow; I go with the flow; I ride with the tide; I got glide in my stride; driving and moving, sailing and spinning, jiving and grooving, wailing and winning. I don't snooze, so I don't lose. I keep the pedal to the metal and the rubber on the road.
I party hardy and lunchtime is crunchtime. I'm hanging in, there ain't no doubt,
and I'm hanging tough,
over and out.

Palli Heinesen kveður í bili....

 

Langar í aðdraganda kosninganna að koma með eina bloggfærslu um það helsta sem er í gangi bæði í aðdraganda Alþingiskosninga og hin helstu dægurmál síðustu vikur...

 

Það vekur mikla undrun mína í hvað er að stefna í komandi Alþingiskosningum, samkvæmt könnunum ýmissa fjölmiðla og Capacent Gallup sýna þær allar að Ríkisstjórnin ætlar að halda velli fjórða kjörtímabilið í röð!!!!  Kannanir sýndu í byrjun kosningabaráttunnar að Ríkisstjórnin næði ekki meirihluta en eftir þvi sem liðið hefur á kosningabaráttuna hefur hún unnið á og í nýjustu könnun Gallup heldur stjórnin meirihluta þingmanna með 3 mönnum... sem er álíka mikið og eftir kosningarnar ’03.

 

Ég spyr fólk....:

Ætlum við virkilega að leyfa þessari ríkisstjórn að halda áfram þrátt fyrir allt það sem er undan gengið á síðustu kjörtímabilum???

Er fólk virkilega búið að gleyma öllum verkum þessarar Ríkisstjórnar?  Eru allir búnir að gleyma Fjölmiðlafrumvarpinu? Sem þeir hentu fram eftir síðustu kosningar sem var einskonar persónuleg herferð þáverandi Forsætisráðherra gegn aðilum sem honum fannst ekki vera “réttir” aðilar með peninga- og fjölmiðlavald.

Er fólkið búið að gleyma þegar ákveðið var af tveimur mönnum að ráðist yrði á Írak í nafni okkar án þess að nokkur maður fengi um það sagt, hvorki á Ríkisstjórnar- Alþingis- eða almennum Borgarafundi??

 

Hver rannsóknin á fætur annarri gerð af virtum stofnunum og fræðimönnum sýna að skattbyrði landsmanna hefur verið færð á tekjulægsta hópana í þjóðfélaginu.  Fólk á Örorku- og Ellilífeyrisbótum lepja dauðann úr skel meðan tekinn er skattur af þessum smánarlegu bótum sem þau fá mánaðarlega og á meðan er hátekjufólkið að leika sér í útlöndum eða dragandi heilu húsin á hjólum eftir vegunum á sumrin á 10 miljón króna jeppum!!

Er þetta virkilega þjóðfélagið sem við viljum búa við??  Ójöfnuður á Íslandi hefur aukist mest af öllum þjóðum í heiminum á síðustu 12 árum þökk sé þessari Ríkisstjórn...

 

Það sem skelfir mig mest  er að við stefnum hraðbyri í átt að “Ameríska módelinu”.  Allt er í einkaeign og enginn fær neina þjónustu nema að eiga fullt að seðlum í veskinu og þessir fátæku sitja útundan með sína kvilla og sjúkdóma.  Ætlum við virkilega að breyta Íslandi í Kapítalista ríki??

 

Eitt af því sem lýðræði á að tryggja er að valdið sé ekki alltaf á sömu höndum nú er Sjálfstæðisflokkurinn búinn að vera við völd í 16 ár og Framsóknarflokkurinn í 12 ár og útlit er fyrir að þessir flokkar verði 4 ár í viðbót.

Ef þetta verður raunin erum við í rauninni að segja: 

 Það skiptir engu hvað þú gerir í stjórninni, við munum samt kjósa þig!! 

Þannig geta ráðamenn firrt sig allri ábyrgð...
Ég verð bara að spyrja er lýðræðið að virka???

 

Það skýtur virkilega skökku við að einn minnsti flokkurinn í landinu er með mestu völdin það er sama hversu mikið Framsóknaflokkurinn virðist minnka hann heldur alltaf völdum undir “verndarvæng” Sjálfstæðisflokksins.  Þeir eru með virkilega gott samkomulag í gangi á milli sín sem er:  “Ef þið í Framsóknarflokknum lútið okkar vilja þá höldum við ykkur í stjórn.”

Það er margsannað í mannkynssögunni að fólk sem er of lengi við stjórnvölina verður hrætt við að missa völdin og fer að gera hvað sem í þeirra valdi stendur til að halda þeim og fer að sýna einræðistilburði. (Sbr. Íraksstríðið.)

 

Framsóknarflokkurinn eru sífellt farnir að síga lægra og lægra í skoðanakönnunum og kjölfarið leggjast þeir lægra og lægra í kosningaherferð sinni til að ná inn fylgi.  Núna nýverið höfum við séð hina margfrægu auglýsingaherferð Frammaranna, sem hingað til hefur aðeins reynt að kaupa unga fólkið með áfengi eða öðrum kosningaloforðum, en núna nýverið braut Framsóknarflokkurinn blað í íslenskri kosningabaráttu með þessari auglýsingu sem sýnd hefur verið í sjónvarpi nýverið:

 

Flokkurinn hefur yfirgefið þá stefnu að auglýsa stefnu sína í landsmálum og eru farnir að innleiða auglýsingar frá BNA sem hafa það að markmiði skrumskæla andstæðinga flokksins, gera lítið úr þeim persónulega og afbaka málflutning þeirra.

 

Finnst mér Framsóknarmenn vera komnir niður fyrir allar hellur í kosningabaráttu sinni...

Þeir virðast ekki geta hugsað sér að vera ekki í stjórn.  Það sem Framsóknarflokkurinn þarf, að mínu mati, er góð pása frá allri stjórnun.  Það myndi hafa góð áhrif á stjórnmál og myndi gera flokknum mjög gott líka.  Að mínu mati þarf hann endurnýja sig í stjórnarandstöðu í nokkur ár og reyna þannig að auka fylgið sitt.

 

Einnig finnst mér það gefa auga leið að fylgi flokksins hrundi við leiðtogaskiptin í flokknum 1995.  Persónulegt fylgi Steingríms Hermannssonar virðist hafa yfirgefið flokkinn með hægri stefnu Halldórs Ásgrímssonar og stóriðjustefnu hans fólks.

 

Ég get ekki talað fyrir alla en ég myndi ALDREI vilja vinna í álveri, hverjum langar til að vinna í risa reykspúandi verksmiðju með hávaða frá vinnuvélum í eyrunum allan daginn??  Mér finnst þetta bara ekki passa við Ísland sem á að vera þekkt fyrir hreina og fagra náttúru....

 

Því get ég aðeins sagt:

“Valgerður Sverrisdóttir, shame on you” ;-) 

Palli Heinesen %-)

 

Jæja, það er bara strax komin rúmur mánuður síðan ég bloggaði síðast, þannig að ég ætla að prófa að blogga aftur...

Varðandi síðustu skoðanakönnun um hversu oft ég ætti að blogga, þá kom það helst fram að engin sagði að þetta væri fínt eins og það er og langflestir sögðu að ég ætti að blogga einu sinni í mánuði....

En þá að öðru þó að fátt sé.  Páskarnir voru alveg ágætir þetta árið, opnaði ekki páskaeggið mitt fyrr en í gær og gengur ekkert á það.  Það var bara farið norður um páskana á Eyrarland og slappað af í sveitasælunni og síðan var farið heim til Oddnýar á Hvalnes og var gist þar í nokkra daga.  Eins og heyrist var kallinn bara þokkalega rólegur um páskana og fór ekkert út á djammið, verður að bæta úr því seinna....

Eins og heyrist er fátt að gerast hjá mér í augnablikinu en það fer að breytast þegar styttist í próf og sumarið fer að kalla...

Fleira hef ég ekki að segja í bili...
Páskakveðjur frá Palla Heinesen 

Jæja þá...

Ákvað að minna aðeins á mig hérna á blogginu...
Er orðið svoldið langt síðan ég bloggaði síðast og kannski komin tími til...

Hins vegar veit ég að það er rúmt ár síðan ég opnaði síðuna og... þetta er blogg númer 8 hjá mér!!!!

Það hefur nóg verið að gerast hjá mér maður hefur ekkert nennt að vera að deila því með öðrum þó.
En ég skal gera smá breytingu hér á...

Síðast var ég að tala um hárið og gerði skoðanakönnun hvort nýja lúkkið væri að gera sig og úrslitin voru eftirfarandi:

Já, ekki spurning, þú ert svalur 52%
Veit ekki 0%
Hvað er að þér? klippingu strax! 35%
Don't Care 13%

Hendi kannski mynd af mér eins og ég er í dag næstunni en ég er ekki enn farinn í klippingu...

Jæja... Jólin voru nú alveg með skárra móti, alltaf gott að koma heim og slappa af aðeins.  Á annan í jólum fór ég svo á djammið á Króknum og hitti fullt af fólki, flest allt skemmtilegt...
Á Gamlárskvöld fór ég svo aftur út á djammið en það var hálf dapurt og lítið um skemmtilegt fólk á kreiki

Ég afrekaði það á Þorranum að fara á tvö Þorrblót, það fyrra á Hofsósi og það seinna út á Skaga hjá tengdaforeldrum mínum og verð ég að segja að það var mjög gaman.  Foreldrar Oddnýar eru einstaklega hresst og skemmtilegt fólk og get ég með sanni sagt að ég er einstaklega heppinn með tengdaforeldra mína á Hvalnesi
Ég reyni kannski að hlaða upp mynd af okkur Oddný á næstunni síðan á Hofsós-blótinu

Eurovision hefur verið í umræðunni nýlega og fyrst fólk hefur svona mikinn áhuga á þessari keppni ætla ég aðeins að miðla skoðunum mínum á keppninni.
Til að byrja með skil ég ofuráhuga sums fólks á þessari keppni, sérstaklega eins og fyrirkomulagið er á keppninni í dag...
Íslendingar ætla sér alltaf stóra hluti og við viljum alltaf vera í fremstu röð, en í þessari keppni verður maður að fá atkvæði hinna þjóðanna sem gætu varla fundið Ísland á landakorti... í þeirra augum erum við einfaldlega ekki til og þetta á sérstaklega við um Balkanskaga þjóðirnar.
Maður fylgist samt alltaf með og vonar það besta...

Ég fylgdist með undankeppninni hér heima og að sjálfsögðu hélt maður með "Rauða Drekanum".
Þó svo að áhuginn sé ekki eins mikill og hjá mörgum þá er manni alls ekki sama hver fer út sem fulltrúi lands og þjóðar... Ég get ekki ímyndað mér hvernig þessi bloggfærsla hefði orðið ef tapsára "dúkkulísan" hefði farið út...

Þá fer þessu að ljúka í bili hjá mér, það er aðeins eitt að lokum ætla að biðja fólk að taka þátt í næstu skoðanakönnun; hvort Palli Heinesen ætti að blogga oftar???

Ég kveð þá að sinni
Palli Heinesen %-) 
over and out

Fannst alveg tilvalið að henda inn einni bloggfærslu á þessum degi.

Í dag eru liðin 15 ár síðan að besti söngvari rokksögunnar, Freddie Mercury, lést úr alnæmi.

Hann hafði áhrif líf margra og eru þeir margir aðdáendur sem hafa orðið gjörsamlega helteknir af ævi þessa stórkostlega söngvara og er ég svo sannarlega einn af þeim. 

Ég vildi gjarnan gleyma mér og tala um ævi og störf þessa stórkostlega manns en ég mun sennilega setja inn hlekk á síðuna hjá mér á næstunni um Freddie Mercury og sögu Queen.

 

En þá að öðrum málum…

Ég hef tekið eftir því á síðustu vikum að traffíkin í gegnum síðuna hjá mér hefur aukist talsvert og hefur náð hátt í 50 á dag.  Mig langaði til vita hversu vel fólkið þekkti mig og setti upp skoðanakönnun og fékk dræmar undirtektir…

 

3 atkvæði og allir þóttust þekkja mig mjög vel … hmm

 

En nú hef ég ákveðið að setja nýja skoðanakönnun og vænti ég betri þátttöku í þetta skiptið.

 

Mig langar virkilega að heyra ykkar álit á því hvort ég eigi að safna hári eða ekki.  Ég hef ekki farið í klippingu í töluverðan tíma, og er að spá hvort ég eigi að halda áfram að safna eða hvort ég eigi að láta undan þrýstingi nokkurra fjölskyldumeðlima og fara í klippingu.

 

 

Mig langar að heyra álit og rökstuðning ykkar sem þekkið mig hér fyrir neðan en annars bara kjósa í skoðanakönnuninni hér til hliðar.

 

Látið í ykkur heyra

Ég kveð þá í bili

 

 

Palli Heinesen %-)

 

Kominn tími á eina bloggfærslu…

Þá er maður kominn í borgina aftur, er sem fyrr út á Seltjarnarnesi í stuttri fjarlægð frá Háskólanum.

Hvað er svo að frétta síðan síðast… Harla fátt…

Við skruppum austur um Verslunarmannahelgina, það var bara nokkuð gaman. Alltaf gaman þegar félagarnir koma saman, sérstaklega þegar það gerist ekki það oft. Þarna voru Nonni, Hreiðar, Helgi Bóndi, Runi og ég, skemmtum við okkur nokkuð vel. Síðan komu Elín og Unnur Bettý líka við á Neskaupstað og gistu með okkur á tjaldstæðinu, var það í síðasta skipti sem ég sá Unni Bettý, blessuð sé minning hennar.

Fátt hefur skeð eftir að ég kom suður fyrir utan að ég, Nonni og Stefán Arnar skelltum okkur í vísindaferð með stjórnmálafræðinemum í Háskólanum og fórum við í Vífilfell. Það var mjög áhugaverð kynning sem við fengum á fyrirtækinu… en samt ekki eins og áhugaverð og allt áfengið sem var í boði á meðan. Fengum við tvo fulla kæliskápa af bjór og fleiru og sögðu kynnarnir eftir að við hefðum slegið met. Við kláruðum báða kælana og tókum við metið af Verkfræðinemunum sem þeir settu í fyrra.

 Eftir þetta var farið með rútu á Hressó, og skal tekið fram að klukkan var hálf sjö þegar farið var frá Vífilfell og allir á rassgatinu!! Á Hressó var drukkið meira og trallað fram eftir kvöldi. Hitti maður nokkuð af gömlu fólki sem var í skóla á Króknum, m.a. Snorra, Guðrúnu, Rakel, Lilju Pól, Eygló… og svo mætti lengi telja.

Seinna um kvöldið hittum við Nonni svo Viðar á Glaumbar, þar sem hann hélt upp á afmælið sitt, karlinn orðinn 24 ára.

Tókum þessa mynd af því tilefni

Var alveg heljarinnar stuð á okkur og komum við ekki heim fyrr en klukkan hálf sjö um morguninn, og er þetta án nokkurs vafa lengsta djamm sem ég hef farið á, djömmuðum við Nonni í samtals 14 klukkutíma og vorum við einu sem eftir voru í bænum af stjórnmálafræðingunum.

Núna sit ég og er að pæla hvort ég ætti að fara norður um þessa helgi eða vera kyrr fyrir sunnan.
Fyrir norðan er réttarball, og myndi ég að sjálfsögðu heimsækja fjölskylduna og svona, og svo vill kærastan auðvitað að ég komi norður á ball og hitti kannski foreldra hennar í fyrsta skiptið.
Hins vegar fyrir sunnan verður önnur Vísindaferð í Orkuveitu Reykjavíkur og er Stebbi búinn að skrá mig í ferðina en Nonni ætlar að beila á okkur og fara norður með systkinum sínum. Get ekki ákveðið mig, en það kemur í ljós á morgun hvað ég geri…

Ég kveð ykkur í bili…

Palli Heinesen %-)

Jú jú, það er ekki að spyrja að því að hyperbloggarinn Palli Heinesen er mættur aftur frískari en nokkru sinni fyrr.

Þetta var búið að vera svo þéttskipaðar bloggfærslur hjá mér, ein í hverjum mánuði, að ég bara varð að taka mér einn mánuð í frí.

Hvað er svo annars að frétta af mér?
Einhver…
Hef heyrt margar sögur, en hef ekki getað staðfest þær.

Það sem ég get sagt með vissu er að ég fór norður í kringum 20. maí, fór í atvinnuviðtal, var boðið tvö störf (kallinn orðinn eftirsóttur) eitthvað annað en allt atvinnuleysið í fyrravetur. Er núna flokkstjóri hjá Vinnuskóla Skagafjarðar á Hofsósi og lifi sældarlífi heima hjá mömmu og pabba, sem ég hef ekki gert síðan ég var 16 ára.

Á 17. júní var ég að vinna um kvöldið á Sauðárkróki og var ball með Sixties á Kaffi Krók um kvöldið þannig að það var bara ekki hægt að sleppa því. Tók nokkur skot man ekki mikið eftir það…

Helgina eftir var Jónsmessa og þar hitti maður fullt fullt af gömlum Hofsósingum. Þetta lið hittist í Grunnskólanum kl. 12 á laugardeginum og var ákveðið í hvelli að taka þátt í knattspyrnumótinu kl. 13. Þannig að við mættum flest þarna í gallabuxum og strigaskóm, meðan allir aðrir voru í búningum og takkaskóm. Við vorum tvímælalaust sigurvegarar mótsins og náðum í 4. sæti af 8 liðum. Þarna var margt fólk að spila og m.a. Einar Hólmgeirsson. En hann er pínu skotfastur… Hann tók eina aukaspyrnu og auðvitað fór ég í vegg!! Veggurinn var u.þ.b. 5 metra frá honum og hann tók ca. 8 metra langt tilhlaup og dúndraði!!! Og auðvitað fór boltinn í mig, samt ekki neinn viðkvæman stað, það hefði verið vont.

Eftir mótið fórum við síðan í ratleik, Amazing Race; Hofsós. Þar var skipt í lið og leystum við ýmsar þrautir og kom bjór nokkuð við sögu ásamt tregt, spældu eggi, kókosbollum og kókþambi… Eftir þetta allt fórum við í partý í hjá Ægi Finns um kvöldið og röltum við þaðan síðan á ball með Von í Höfðaborg þar sem var djammað ærlega.

Set þessa mynd hér því til staðfestingar.
Stal henni hjá Viðari vona að hann fyrirgefi mér það.

Eru einhverjir með plan um Versló? ef ekki endilega viðrið þær hugmyndir sem þið hafið um þá HELGI

Kalla þetta gott í bili...

Heinesen over and out

Jæja þá er kominn tími á henda inn einni bloggfærslu og fara yfir það í grófum dráttum hvað hefur verið í gangi hjá mér…

Ég byrja bara á páskunum, nenni ekki að fara lengra aftur en það. Ég fór norður um páskana í eina viku og eyddi henni í faðmi fjölskyldunnar. Kom þó við á Blönduósi og hitti Runa, Helga og Dísu á Esso-skálanum frekar óvænt. Áttum þar nokkuð gott spjall meðan beðið var eftir matnum. Ég bara verð þó að minnast á að pizzan sem Runi og Elín pöntuðu sér var versta pizza sem ég hef sennilega smakkað, hún var alls ekki góð, það vantar allan metnað í pizzugerð á Blönduósi hehe.

Þá vil ég líka óska Vordísi til hamingju með sigurinn í töltkeppninni um daginn, það var vel að verki staðið og vona ég að ég fái ekki næstum gaffal í augað næst þegar ég hitti hana

Það var síðan skellt sér á ball í Miðgarði á föstudagskvöldið með Á Móti Sól og fór ég með Rúnari og Auði. Þau voru ekki viss hver myndi keyra á ballið þannig að það endaði með því að þau voru bæði edrú, veit ekki alveg hvað var í gangi þar… Hitti annars þó nokkuð af fólki sem maður þekkti en í heildina þá var þetta ekkert sérstakt ball og nær vissulega ekki inn á topp 10 listann.

Kíkti síðan aðeins á djammið um síðustu helgi, upphaflega planið var að fara út með Nonna og Hreiðari, en þá hafði einn gamall pungur úr Hofsósi samband við mig og sagði að það væri Hofsósinga-partý upp í Breiðholti. Það var bara of gott til þess að sleppa, þannig að ég yfirgaf þá frændur með það að markmiði að hitta þá niðr’í bæ á eftir. Þetta var ágætasta partý, hitti nokkra krakka sem maður hittir sjaldan, en í partýinu voru Viðar, Ægir, Sveinn Ingi, Villi Árna, Dagný, Silja, Heba og Inga Jóna. Þetta var ágætt Re-union og er stemmt á annað svona á Jónsmessunni í Hofsósi í sumar. Um kl. 2 var síðan skellt sér niður í bæ og var farið á Hressó og Glaumbar og fórum við Viðar ekki heim fyrr en kl. 7 um morguninn. Þess má geta að ég hitti ekki Nonna og Hreiðar niðr’ í bæ… Þegar ég talaði við Nonna daginn eftir þá upplýsti hann mig um það að hann hafi ekki verið í neitt sérstökum fíling og hann hafi sofnað um kl. 2!! og hann var heldur ekkert í sérstökum fíling daginn eftir

En talandi um Nonna þá vil ég óska honum til hamingju með daginn í dag, orðinn 24 ára kellinn, og að sjálfsögðu er Arsenal komið í úrslit Meistaradeildarinnar, hef samband við hann seinna í dag

Þá er þetta sennilega komið í bili hjá mér,

Bið að heilsa öllum nær og fjær

Palli Heinesen %-)

Þá held ég að það sé bara komin tími á blogg hjá mér.  Liðinn mánuður í dag frá síðustu færslu.  Ekki hefur svo sem mikið gerst á þessum mánuði, nokkrir úr fjöskyldunni komið í heimsókn en annars mest lítið að frétta.  Ég bætti þó inn nokkrum myndum á síðuna hjá mér, koma kannski fleiri á næstunni.

Ég, Nonni og Hreiðar skruppum aðeins á djammið á laugardagskvöldinu og var það alveg ágætis djamm.  Við byrjuðum á Sólon lítið um að vera þannig að við röltum niður Laugarveginn og litum inn á Hressó.  Í biðröðinni fyrir framan okkur á Hressó voru tvær stúlkur sem sögðust kannast rosalega við mig.  Þá sagði önnur þeirra:  “Heyrðu, þú varst í Idolinu!!”  Nonni var fljótur að taka undir það með þeim og þær báðu mig um að taka lagið!  Ég sagði þeim að umboðsmaðurinn minn bannaði mér að syngja á götum úti, fólk fengi ekki að njóta minna hæfileika án gjalds.

Rétt áður sáum við Alexander úr Idolinu og sem fyrr vildi Nonni endilega stökkva á hann og ræða við hann um daginn og veginn, en ég fékk hann ofan af því.  Inni á Hressó hittum við nokkra Siglfirðinga og Skagfirðinga héldum síðan inn á Pravda og enduðum kvöldið þar.

Á sunnudeginum komu síðan Runi og Jón Gauti og eru þeir búnir að halda til hjá mér síðan.  Jón Gauti er á námskeiði hjá Landsbjörg og Runi er einkabílstjórinn hans.  Þeir búast við því að fara norður um helgina.  Við höfum reynt að bralla hitt og þetta síðan þeir komu.  Í gær fórum við til Nonna og tókum m.a. eitt mót í Pro Evolution Soccer og get ég sagt með stolti að ég vann mótið með hinu stórkostlega liði Cadiz á Spáni, Cherno Samba fór á kostum hjá mér!

Ég segi þetta þá gott í bili, vonandi verður ekki eins langt að bíða með næstu færslu.

Bið að heilsa

Palli Heinesen

Já ég vil óska henni Silvíu okkar til hamingju með sigurinn um síðustu helgi.  Það var kominn tími til að við sendum einhvern eins og hana út og gera smá grín að þessari keppni vegna þess að mér finnst hún orðin hálfgert djók.  Ég vona bara að hún sjokki sem flesta Evrópubúa

Laugardagskvöldið var nokkuð gott bara verð ég að segja, ég horfði á keppnina hjá Nonna Evróvisjón fan #1.  Hann eldaði þessa fínustu máltíð af því tilefni og var það nokkuð gott hjá drengnum.  Eftir að Silvía var búin að rústa atkvæðagreiðslunni skruppum við aðeins niður í bæ á pöbbaröltið Komum við á Café Viktor, Pravda, Hressó og Sólon.  Hitti ekki mikið af fólki sem ég þekkti, hitti þó Unu á Pravda, var að komast að því í sumar að hún og Vordís hans Helga eru systkinabörn,  En það er önnur saga.

Mér tókst loks að hafa Nonna heim af djamminu um kl. 6 um morguninn, það var kvennafar á kappanum og guði sé lof að ég benti honum ekki á Tomas Lundin (Finnskur Eurovision sérfræðingur) þegar hann stóð fyrir framan okkur í leigubílaröðinni.  Nonni hefði sennilega stokkið á hann og kysst hann!

Fyrr um daginn fór ég líka í Elko fyrir systir mína að versla fyrir hana sjónvarp.  Það tók nærri hálfan daginn að velja það (að mínu mati. Þ.e. C.a. 40 mín).  Ég sendi það síðan norður með Elínu á sunnudeginum og fæ svo hringingu frá systur minni á þriðjudeginum að tækið sé leiðinni suður aftur!  Það dugði systur minni í einn og hálfan dag og var svo ónýtt!Þannig að ég þarf sennilega ganga í gegnum þessar löngu og ströngu 40 mín aftur.

Nonni og Hreiðar litu líka við hjá mér á þriðjudaginn til að horfa á Meistaradeildina.  Þeir tóku með sér spurningaleikinn Buzz.  Ég hefði spilað nokkrar umferðir við þá áður og alltaf endað í síðasta sæti.  Þekking þeirra félaga á nýjasta píkupoppinu og leðurhommatónlist virðist vera óendanleg!!  Hins vegar komu í þetta skiptið fleiri spurningar mér að skapi og mér tókst að vinna þá tvisvar og í annað skiptið enduðu þeir báðir með 0 stig! Mér til mikillar kæti hahaha

Fleira var það ekki í þetta skiptið, bið að heilsa öllum úti á landi

Ciao
Palli Heinesen

Jibbí!!, í tilefni af því að ég er búinn að taka upp færeyska ættarnafnið mitt hef ég startað bloggsíðu og auðvitað er ekki annað hægt en að hafa nafnið heinesen   Tók ekki eftir því fyrr en ég fór á netið í dag að nafnið mitt var breytt og núna heitir kellinn Páll Rúnar Heinesen Pálsson    Já mér líður eins og nýjum manni og þið sem þekkið mig verðið sennilega að kynnast mér upp á nýtt hehe.

Síðan mín er í þessum töluðu orðum ekki margra mínútna gömul og er því svolítið hrá í augnablikinu, en ég á eftir að bæta úr því á næstunni...

Endilega skrifið í gestabókina þegar þið eigið leið hjá og miðlið ykkar skoðunum á síðunni hjá mér.

Kveðja Palli Heinesen